अहिल्यानगर । नगर सहयाद्री
नांदगाव शिवारातील लष्कराच्या के. के. रेंज हद्दीतून अवैध वाळूची वाहतुक करत असलेला डंपर लष्कराच्या अधिकाऱ्यांनी पकडला. दरम्यान, डंपर पकडताच चालक घटनास्थळावरून पसार झाला.
लष्कराचे रिसेलदार मेजर जितेंदर जगवीर सिंग (वय ४६रा. अपर कॅम्प, के. के. रेंज, खारेकर्जुने, ता. नगर) यांनी फिर्याद दिली आहे. सदरची घटना ४ जून रोजी रात्री ८ वाजता घडली असून गुन्हा ५ जून रोजी दुपारी दाखल झाला आहे. १० लाख रूपये किमतीचा विना नंबरचा डंपर पोलिसांनी जप्त केला आहे.
४ जून रोजी रात्री ८ वाजण्याच्या सुमारास नांदगाव शिवारातील के. के. रेंजच्या हद्दीत एका डंपरमधून अवैध वाळू वाहतुक होत असल्याचे लष्कराच्या अधिकाऱ्यांच्या लक्ष्यात आले. त्यांना पाहून डंपर चालकाने डंपरमधील वाळू खाली करून घटनास्थळावरून डंपर सोडून पळ काढला.
लष्कराच्या अधिकाऱ्यांनी सदरचा डंपर ताब्यात घेऊन एमआयडीसी पोलीस ठाण्यात गुन्ह्याची नोंद केली आहे. पोलीस अंमलदार थोरात अधिक तपास करीत आहेत.
