नगर सहयाद्री टीम-
22 जानेवारी रोजी होणाऱ्या अयोध्या राम मंदिर प्राणप्रतिष्ठा सोहळ्याची तयारी जोरात सुरू आहे. पंतप्रधान अयोध्येतील राम मंदिराचे उद्घाटन करणार आहे.
त्या पाश्ववभूमीवर देशभरात जल्लोषाचे वातावरण आहे. मात्र या सोहळ्यापूर्वी अयोध्या आणि राम मंदिरासंदर्भातील सर्व प्रकारच्या पोस्ट इंटरनेटवर व्हायरल होत होत असून, त्यातील अनेक पोस्ट बनावट/खोट्या सिद्ध होत आहेत.
दरम्यान ५०० रुपयांच्या नोटेसंदर्भात एक व्हायरल पोस्ट समोर आली आहे. मायक्रो ब्लॉगिंग साइटवर व्हायरल झालेल्या 500 रुपयांच्या नव्या व्हायरल पोस्ट मध्ये महात्मा गांधीं ऐवजी प्रभू राम दिसत असून X वापरकर्तेने ही नोट 22 जानेवारीला राम मंदिराच्या उद्घाटनानिमित्त जारी केली जाईल. असा दावा केला होता.
त्या पोस्टचे फोटो लोक आता त्यांच्या खात्यांवर पुन्हा पुन्हा व्हायरल करत आहेत. मात्र, जेव्हा युजरला हे प्रकरण वाढल्याचे दिसले, तेव्हा त्याने एकामागून एक ट्विट करत हे चित्र आपण स्वत: एडिट केले होते.
मात्र लोक चुकीचे संदेश देऊन ते शेअर करत असल्याचे स्पष्ट केल्यामुळे 22 जानेवारीला अशी कोणतीही नवीन नोट जारी होणार नाही.
