पारनेर । नगर सहयाद्री
विधवा महिलेच्या दीराने भररस्त्यात मारहाण करून विनयभंग केल्याचा धक्कादायक प्रकार उघडकीस आला आहे. याप्रकरणी पीडित महिलेने पारनेर पोलीस ठाण्यात फिर्याद दिली आहे. त्यानुसार पोलिसांनी दोन दिराविरोधात गुन्हा दाखल केला आहे.
पीडित महिलेचा पतीचे ४ मार्च २०२३ रोजी निधन झाले. त्यानंतर त्यांच्या एका दिराने त्यांच्यावर वाईट नजर ठेवून फोन व व्हॉट्सअ‍ॅपवर अश्लील मेसेज पाठवून त्रास देण्यास सुरुवात केली.तसेच १२ सप्टेंबर २०२५ रोजी सायंकाळी ६ वाजता कारने पाठलाग करत दुचाकी अडवली. कारमधून उतरून जबरदस्तीने हाताला पकडून खाली ओढले व तू मला तुझ्या नवऱ्याच्या जागेवर धर” असे म्हणत लज्जा उत्पन होईल असे वर्तन केले.
दरम्यान, दुसऱ्या दीराने तू त्याच्या सोबत राहा, तुला काही कमी पडू देणार नाही, तू त्याच्या सोबत राहिली नाहीस तर तुला जिवंत ठेवणार नाही अशी धमकी दिली. असल्याचे फिर्यादीत नमूद करण्यात आले आहे. या प्रकरणी पारनेर पोलीस ठाण्यात गुन्हा दाखल करण्यात आला असून पुढील तपास पोलीस करत आहे.
