अहमदनगर / नगर सह्याद्री : चंदिगढ येथे पार पडलेल्या ऑल इंडिया युनिव्हर्सिटी रेसलिंग चॅम्पियनशिप कुस्ती स्पर्धेमध्ये पै. सुदर्शन महादेव कोतकर यांनी कांस्यपदकाची कमाई केली. त्यांची आता खेलो इंडिया या स्पर्धेसाठी निवड झाली आहे.
अहमदनगरकरांसाठी ही बाब अभिमानस्पद असून अहमदनगर जिल्ह्याच्या शिरपेचात मानाचा तुरा रोवला गेला आहे. ऑल इंडिया युनिव्हर्सिटी रेसलिंग चॅम्पियनशिप कुस्ती स्पर्धा चंदिगड येथे पार पडल्या.
१२५ किलो वजन गटात सुदर्शन कोतकर याने नैपुण्य दाखवले. यात त्याने तृतीय क्रमांक पटकवला. मागे झालेल्या ‘उत्तर महाराष्ट्र केसरी’ कुस्ती स्पर्धेत त्याने यश मिळवले होते. त्याला ‘उत्तर महाराष्ट्र केसरी’ हा किताब मिळाला होता.
तसेच नुकत्याच पार पडलेल्या पुणे जिल्ह्यातील महाराष्ट्र केसरी व राज्य अजिंक्यपद कुस्ती स्पर्धेसाठीही कोतकर यांची निवड झाली होती. यात त्यांनी कास्यपदक पटकावले होते. अहमदनगर जिल्हा निवड चाचणी स्पर्धेत त्याने गादी गटातून श्रीगोंदा येथील तुषार सोनवणे याच्याशी अटीतटीची अंतिम लढत देऊन विजय मिळवला होता.
आता ऑल इंडिया युनिव्हर्सिटी रेसलिंग चॅम्पियनशिप कुस्ती स्पर्धेत यश मिळवल्याने त्यांचे आता सर्वच स्तरातून अभिनंदन होत आहे.
