पुणे / नगर सह्याद्री : पुणे शहराला सांस्कृतिक वारसा आहे. दरम्यान पुण्यातून एक खळबळजनक बातमी समोर आली आहे. वेश्या व्यवसायाचे आंतरराष्ट्रीय रॅकेट पुण्यातून उघड झाले असून या प्रकरणी एका अभिनेत्रीसह तिघांना ताब्यात घेतले आहे.
पुण्यात हाय प्रोफाईल वेश्या व्यवसायाचा भांडाफोड पोलिसांनी केला असून हा वेश्या व्यवसाय करणाऱ्या राजस्थानी अभिनेत्रीला अटक केली आहे. यात दोन मॉडेललाही पोलिसांनी ताब्यात घेतले आहे. पुण्यातील विमान नगर परिसरात पुणे पोलिसांच्या सामाजिक सुरक्षा विभागाने ही कारवाई केली.
उजबेकीस्थानमधून आलेल्या दोन मॉडेल ऑनलाइन वेश्या व्यवसाय करत होत्या. पुणे पोलिसांना यासंदर्भात माहिती मिळाली. त्यानंतर पोलिसांनी सापळा रचला. राजस्थानी अभिनेत्री आणि उजबेकीस्थानमधून आलेल्या मॉडेलला या प्रकरणात अटक करण्यात आली. या तिन्ही महिला आरोपींनी पुण्यातील विमान नगर भागात गेल्या अनेक दिवसांपासून ऑनलाईन वेश्या व्यवसाय सुरु केला होता. विदेशातून ऑनलाइन माध्यमातून त्या वेश्या व्यवसाय भारतात चालवत असल्याची माहिती तपासात उघड झाली आहे.
