spot_img
ब्रेकिंगकोतवाली पोलिसांची कामगिरी; ५ वर्षांची हरवलेली चिमुकली ४० मिनिटात सापडली..

कोतवाली पोलिसांची कामगिरी; ५ वर्षांची हरवलेली चिमुकली ४० मिनिटात सापडली..

spot_img

अहिल्यानगर । नगर सहयाद्री :-
१४ मार्च रोजी सकाळी दहा वाजता, केडगाव परिसरातील रोशन कुमार सिंग कुटुंबासह लहान मुलांच्या दवाखान्यात तपासणीसाठी आले होते. तपासणी करून निघालेल्या सिंग कुटुंबातील पाच वर्षांची मुलगी, अवनी सिंग, आपल्या आई-वडिलांचा हात सोडून अचानक रस्त्यावर आली आणि कोणत्यातरी दिशेने निघून गेली.

मुलगी बेपत्ता झाल्याचे लक्षात येताच सिंग कुटुंबीय गडबडले आणि सौ सिंग यांना अश्रू अनावर झाले. त्यांनी मुलीचा आसपास शोध घेतला. पण ती मिळून आली नाही. त्यामुळे त्यांनी कोतवाली पोलिस ठाण्यात धाव घेतली. सिंग कुटुंबाने पोलिसांना मुलीचे हरवल्याचे सांगितल्यावर, पोलिसांनी तात्काळ कारवाई सुरु केली.

कोतवाली पोलीस निरीक्षक प्रताप दराडे यांच्या नेतृत्वात पोलिसांनी मुलीच्या शोधार्थ हालचाल सुरु केली. पोलिसांनी दुचाकीवरून घुमरे गल्ली, आशा टॉकीज परिसर आणि माळीवाडा परिसरात शोध घेतला. अखेर माळीवाड्यातील रासकर गल्ली येथील सोळा तोटी कारंजा जवळ ती बालिका रडत असताना दिसून आली.

पोलिसांनी तात्काळ सिंग कुटुंबाला संपर्क साधला आणि सौ सिंग यांना मुलीसह रिक्षात बसून पोलीस ठाण्यात आणले. मुलीचा शोध लागल्यावर सिंग कुटुबीयांनी कोतवाली पोलिसांचे आभार व्यक्त केले.सदरची कारवाई कोतवाली पोलीस ठाण्याचे पोलीस निरीक्षक प्रताप दराडे यांच्या मार्गदर्शनाखाली सहाय्यक पोलीस निरीक्षक सपकाळे, पोलीस कॉन्स्टेबल याकुब सय्यद, विशाल कुलकर्णी, अनुप झाडबुके आणि राजेंद्र केकान यांच्या पथकाने बजावली आहे.

आणखी महत्वाच्या बातम्या

आणखी वाचा

राज्यावर चक्रीवादळाचे संकट; पावसाच्या इशा-यासह तापमानात घट होण्याचीही शक्यता

मुंबई / नगर सह्याद्री - राज्यातील अनेक भागांतील तापमानात गेल्या काही दिवसांपासून कमालीची वाढ झाली...

भाजपच्या वरिष्ठ नेत्यावर दिवसाढवळ्या गोळीबार; छातीत घुसली गोळी

नवी दिल्ली / वृत्तसंस्था बिहारच्या खगडिया जिल्ह्यातून एक धक्कादायक बातमी समोर येत आहे. दिवसाढवळ्या...

पाचपुतेंच्या सुपारीवर बाबासाहेब भोस मैदानात! ; श्रीगोंद्याच्या राजकारणात मोठी खेळी

श्रीगोंदा नगरपरिषद  / आघाडीचा चेहरा दिसत असला तरी त्यांनी उभे केलेले ‘जुगाड’ ही पाचपुते...

महापालिका, जिल्हा परिषदेचे आरक्षण चौकटीतच; पण याठिकाणी झाली गडबड…

अडथळा नसल्याने बिगुल वाजणार / शिर्डी नगरपरिषदेच्या निकालावर टांगती तलवार अहिल्यानगर | नगर सह्याद्री जिल्ह्यातील नगरपरिषद,...