Ahmadnagar Politics: नगर जिल्ह्यात शिवसेनेला धक्का बसला आहे. जामखेड शिवसेना तालुकाप्रमुख (उबाठा) संजय काशिद यांनी शिवसेनेला जय महाराष्ट्र करत कमळ हाती घेण्याचा निर्णय घेतला आहे. यामुळे नगर जिल्ह्यात शिवसेनेला मोठे खिंडार पडले असून यामुळे महाविकास आघाडीच्या अडचणीत वाढ झाली आहे.
भाजपाचे प्रदेशाध्यक्ष चंद्रशेखर बावनकुळे यांच्या अध्यक्षतेखाली मुंबई येथे भाजपाच्या प्रदेश कार्यालयात सोमवारी दि 23 रोजी दुपारी दोन वाजता जामखेडचे शिवसेना तालुकाप्रमुख (उबाठा) संजय काशिद भाजपामध्ये प्रवेश करणार आहे.
यावेळी उपमुख्यमंत्री देवेंद्र फडणवीस, केंद्रीय पर्यावरण व वन मंत्री तसेच महाराष्ट्राचे निवडणूक प्रभारी भुपेंद्रजी यादव, महसूल मंत्री तथा अहिल्यानगरचे पालकमंत्री राधाकृष्ण विखे पाटील, माजी मंत्री तथा विद्यमान आमदार प्रा. राम शिंदे यांचे प्रमुख उपस्थितीत आसणार आहे.
अनेक वर्षापासून ते जामखेड तालुका शिवसेना तालुकाप्रमुख म्हणून काम करत होते. अडचणीच्या काळात शिवसेनेला साथ देण्याचे काम त्यांनी केले. तरूणांची मोठी फौज त्यांच्या कडे आहे. त्यामुळे नगर जिल्ह्यातील शिवसेनेला धक्का बसला आहे
