Maharashtra News: एक काळीज पिळवटून टाकणारी घटना समोर आली आहे. ईने विहिरीत उडी घेऊन आत्महत्या केल्याचे समजताच मुलीनेही आयुष्य संपवल्याची दुर्दैवी घटना घडली आहे. माय-लेकीच्या मृत्यूने गावावर शोककळा पसरली असून सर्वत्र हळहळ व्यक्त होत आहे. वंदना भरत दुधारे आणि पल्लवी भरत दुधारे असे या मायलेकींचे नाव आहे.
छत्रपती संभाजीनगरच्या खुलताबाद तालुक्यातील गल्लेबोर गावातील एका शेतात दुधारे कुटुंब वास्तव्यास होते. काल रात्री मुलगी पल्लवीने आईच्या हातावर मेहंदी काढली आणि सर्वजण झोपी गेले. सकाळी उठल्यावर आई न दिसल्याने पल्लवीने आसपास शोध घेतला. यावेळी नजिकच्याच विहिरीत तिला आईचा मृतदेह आढळून आला.
आईने आत्महत्या केल्याचा धक्का लेकीला सहन झाला नाही आणि तिनेही कोणताही विचार न करता स्वतः विहिरीत उडी घेत आत्महत्या केली. या आत्महत्येचे कारण अद्याप अस्पष्ट असून माय-लेकीच्या आत्महत्येच्या घटनेने परिसर हादरुन गेला असून संपूर्ण गावावर शोककळा पसरली आहे. याबाबतचा अधिक तपास करत आहेत.
