अहमदनगर / नगर सह्याद्री : शेतकरी तरुणाचा सपासप वार करत खून करण्यात आल्याची घटना श्रीगोंदा तालुक्यातील बेलवंडी हद्दीत घडली. रात्री ३ च्या सुमारास ही घटना घडली असून योगेश शेळके असं मृत तरुणाचे नाव आहे. ४ अज्ञात व्यक्तींनी योगेशच्या खून केला असल्याची माहिती मिळाली आहे.
हा खून नेमका का झाला? कुणी केला? त्याचे वैर किंवा इतर काही गोष्टी बाबत माहिती अद्याप मिळालेली नाही.दरम्यान पोलिसांनी योगेशचा मृतदेह शवविच्छेदनासाठी पाठवला असून पुढील तपास करत आहेत. पोलिसांनी ज्यावेळी आसपास चौकशी केली तेव्हा हत्या करणाऱ्यांनी तोंडाला रुमाल बांधला असल्याचे समजले.
त्यामुळे गुन्हेगारांची ओळख होऊ शकली नाही. दरम्यान पोलीस अधीक्षक राकेश ओला यांनी घटनास्थळी पाहणी केली असून पोलीस अधिक तपास करत आहेत.
