Maharashtra Crime News: नवी मुंबईच्या उलवेमध्ये एका टॅक्सी चालकाची हत्या करण्यात आल्याची धक्कादायक घटना समोर आली आहे. घरामध्ये कुजलेल्या अवस्थेत टॅक्सी चालकाचा मृतदेह सापडला. पोलिस तपासातून या टॅक्सी चालकाच्या हत्याकांडाचे धक्कादायक कारण समोर आले. वारंवार शरीरसुखाची मागणी करत असल्यामुळे संतप्त झालेल्या एका तरुणीने आपल्या बॉयफ्रेंडच्या मदतीने या टॅक्सी चालकाची हत्या केली. हत्येनंतर आरोपी या टॅक्सी चालकाची कार घेऊन फरार झाले. पोलिसांनी आरोपींना संगमनेरमधून अटक केली.
उलवे भागात राहणाऱ्या सुरेंद्र पांडे या खासगी टॅक्सी चालकाची हत्या करण्यात आली होती. हत्येनंतर आरोपी तरुणी आणि तिचा बॉयफ्रेंड टॅक्सी चालकाची कार घेऊन पळून गेले होते. या तरुणाला आणि तिच्या बॉयफ्रेंडला संगमनेर येथून अटक करण्यात आली. संगमनेर पोलिस ठाण्यात दोन्ही आरोपीनी सरेंडर करत घटनेची माहिती दिली तेव्हा ही सदर घटना उघडकीस आली.
घटनेची माहिती मिळताच उलवे पोलिसांनी सुरेंद्र पांडेच्या घरात जाऊन पाहणी केली असता त्याचा कुजलेल्या अवस्थेतील मृतदेह आढळून आला. उलवे पोलिसांनी याप्रकरणी हत्येचा गुन्हा दाखल करत रिया सरकल्याणसिंग आणि तिचा प्रियकर विशाल शिंदे या दोघांना अटक केली. सुरेंद्र पांडेने रियाला आपल्या घरी आसरा दिला होता. याच दरम्यान सुरेंद्रने रिया आणि तिच्या प्रियकराचे अश्लिल विडिओ त्याच्या मोबाईलमध्ये चित्रित केले होते.
प्रायव्हेट व्हिडिओद्वारे सुरेंद्र रियाकडे वारंवार शरीरसुखाची मागणी करत होता. यावरूनच सुरेंद्र, रिया आणि विशाल यांच्यामध्ये वाद झाला असता घरातील हातोडीने सुरेंद्र पांडे याच्या डोक्यात आघात केला आणि त्याची हत्या केली. सुरेंद्रची हत्या केल्यानंतर रिया आणि विशाल या दोघांनी पळ काढला. हत्येनंतर दोघे विशालच्या गावी संगमनेर येथे गेले आणि सर्व घटना कुटुंबियांना सांगितली.
कुटुंबियांनी दोघांनाही तात्काळ संगमनेर पोलिस ठाण्यात स्वतःला सरेंडर करण्याचा सल्ला दिला. त्यानुसार रिया आणि विशाला यांनी संगमनेर पोलिस ठाण्यात जाऊन पोलिसांना घटनाक्रम सांगितला. संगमनेर पोलिसांनी सदर घटनेची माहिती उलवे पोलिसांना देत दोन्ही आरोपीना नवी मुंबई पोलीसांच्या ताब्यात दिले. याप्रकरणी उलवे पोलिस आता अधिक तपास करत आहेत. या घनटनेमुळे नवी मुंबईमध्ये खळबळ उडाली.
