नगर सह्याद्री वेब टीम
मुंबई इंडियन्सने इंडियन प्रीमिअर लीग २०२५ मध्ये क्वालिफायर २ मधून स्पर्धेतून एक्झिट घेतली. पंजाब किंग्सने अगदी सहज मुंबई इंडियन्सला पराभूत केले. आयपीएल २०२५ मध्ये पहिल्या सहापैकी पाच सामन्यांत पराभव पत्करणारा मुंबईचा संघ क्वालिफायर २ पर्यंत पोहोचेल, याचा विचारही कुणी केला नव्हता. पण, रोहित शर्माला सूर गवसला अन् त्याच्यासोबत मुंबईच्या विजयाची मालिका सुरू झाली. सूर्यकुमार यादव, रायन रिकेल्टन, तिलक वर्मा, नमन धीर यांनी चांगला जोर दाखवला. पण, क्वालिफायर २ मध्ये पंजाबविरुद्ध ते कमी पडले. तरीही ते स्पर्धेतून कोट्यवधी कमावून गेले.
मुंबईने प्रथम फलंदाज करताना ६ बाद २०३ धावा उभ्या केल्या. तिलक वर्मा ( ४४), सूर्यकुमार यादव ( ४४), जॉनी बेअरस्टो ( ३८) व नमन धीर ( ३७) यांच्या फटकेबाजीच्या जोरावर ही धावसंख्या त्यांनी उभारली. पंजाबचा कर्णधार श्रेयसने ४१ चेंडूंत ५ चौकार व ८ षटकारांसह नाबाद ८७ धावा केल्या. त्याला जॉश इंग्लिसने ३८ ( २१ चेंडू) व नेहल वढेरा ४८ ( २९ चेंडू) धावा करून साथ दिली. पंजाबने १९ षटकांत ५ बाद २०७ धावा करून विजय मिळवला.
मुंबई इंडियन्ससाठी सर्वाधिक धावा करणारे
७१७ – सूर्यकुमार यादव
४१८ – रोहित शर्मा
३८८ – रायन रिकेल्टन
३४३ – तिलक वर्मा
२५२ – नमन धीर
२३३ – विल जॅक्स
२२४ – हार्दिक पांड्या
सर्वाधिक विकेट घेणारे गोलंदाज
२२ – ट्रेंट बोल्ट
१८ – जसप्रीत बुमराह
१४ – हार्दिक पांड्या
११ – दीपक चहर
११ – अश्वनी कुमार
१० – मिचेल सँटनर
आयपीएल २०२५ मधील विजेता संघ २० व उप विजेता संघ १३ कोटी रुपये बक्षीस म्हणून जिंकणार आहे. पण, त्याचवेळी क्वालिफायरमध्ये बाद होणारा म्हणजेच मुंबई इंडियन्सचा संघ ७ कोटी रुपये घेऊन गेला आहे, तर एलिमिनेटरमध्ये पराभूत झालेल्या गुजरात टायटन्सला ६.५ कोटी मिळाले आहेत.
१० लाख – ऑरेंज कॅप
१० लाख – पर्पल कॅप
२० लाख – इमर्जिंग प्लेअर
१० लाख – मोस्ट व्हॅल्यूएबल प्लेअऱ
१० लाख – सुपर स्ट्रायकर
१० लाख – पॉवर प्लेअर
१० लाख – मॅक्सिमम सिक्स
१० लाख – गेम चेंजर
