मारुती सुझुकीची सर्वात स्वस्त कार! ‘या’ दिवशी होणार लाँच

नगर सहयाद्री वेब टीम:-
मारुती सुझुकीची गाडी भारतीय बाजारपेठेत खूप लोकप्रिय आहे, आणि आता कंपनीने आपल्या सर्वात लोकप्रिय मॉडेलपैकी एक, मारुती डिझायरचे नवीन आवृत्ती लाँच करण्याची तयारी केली आहे. ही कार 4 नोव्हेंबरला लाँच होणार आहे.

सर्वाधिक विक्री होणारी कार
मारुतीसाठी हा एक महत्त्वाचा क्षण आहे, कारण डिझायर ही त्यांच्या सर्वाधिक विक्री होणारी कार आहे. नवीन मॉडेल अधिक प्रीमियम होणार असल्याने, याची लोकप्रियता वाढण्याची अपेक्षा आहे. या कारमध्ये अनेक अपडेट्स समाविष्ट आहेत.

डिझाइन
मारुती डिझायरचा लूक स्विफ्टपेक्षा वेगळा असेल, पण आतील भाग स्विफ्टसारखा असण्याची शक्यता आहे. डॅशबोर्ड देखील स्विफ्ट प्रमाणे असेल, परंतु त्याची अपहोल्स्ट्री फिकट रंगात असेल, ज्यामुळे कारला प्रीमियम लूक मिळेल.

फीचर्स
नवीन डिझायरमध्ये 9-इंच टचस्क्रीन इन्फोटेनमेंट सिस्टम, मागील एसी व्हेंट्स, क्लायमेट कंट्रोल, सनरूफ, कनेक्टेड कार टेक्नॉलॉजी आणि 360-डिग्री कॅमेरा यासारखी आधुनिक फीचर्स असतील. तसेच, नवीन इंजिन अधिक वजन सहन करण्यास सक्षम असेल.

किंमत
मारुती डिझायरची किंमत सुमारे 7 लाख रुपयांपासून सुरू होण्याची अपेक्षा आहे, आणि पेट्रोल मॅन्युअल व्हेरियंट याच श्रेणीत येईल. टॉप-एंड पेट्रोल AMT व्हेरियंटची किंमत 10 लाख रुपये असण्याची शक्यता आहे.