जामखेड । नगर सहयाद्री
जामखेड तालुक्यातील साकत घाटात मार्बलने भरलेला ट्रक पलटी झाला. सदरच्या घटनेत चालक ट्रक चालक गंभीर जखमी झाला असुन जामखेड येथील खाजगी दवाखान्यात उपचारासाठी दाखल करण्यात आले आहे. मंगळवार ( १८) रोजी सकाळी मार्बलचा ट्रक साकत मार्गी जामखेडकडे निघाला होता. ट्रकचे ब्रेक फेल झाल्याने ट्रक पलटी झाला.
यावेळी वाल्मिक नेमाने जामखेड वरून साकतला चालले होते. नेमाने व इतर वाहन चालकांनी जखमी चालकाला कँबीनमधून बाहेर काढले. नेमणे यांनी सामाजिक कार्यकर्ते संजय कोठारी यांना संपर्क करत अपघाताबाबत माहिती दिली. त्यानंतर रुग्णावाहिके मधून जखमी चालकाला जामखेड येथील खाजगी दवाखान्यात उपचारासाठी दाखल करण्यात आले आहे.
पुढील तपास पोलीस निरीक्षक महेश पाटील यांच्या मार्गदर्शना खाली सरोदे पोलीस करीत आहे. जामखेड सौताडा राष्ट्रीय महामार्गाचे काम गेल्या दोन वर्षापासून खुपच संथगतीने सुरू आहे. त्यामुळे अनेक वाहने साकत मार्गे ये जा करतात. साकत रस्ता अरूंद आहे. लवकरात लवकर रस्ता रूंदीकरण व्हावे व घाट रूंदीकरण व्हावे अशी मागणी होत आहे.
