अहिल्यानगर । नगर सहयाद्री
स्थानिक गुन्हे शाखेच्या पथकाने दारू विक्रेत्यांवर कारवाईचा धडाका लावला. यात १५ अवैध दारु विक्रेत्यांवर छापे टाकून ७८ हजार ३९० रुपयांचा अवैध दारू व इतर मुद्देमाल जप्त केला आहे.
पोलीस अधिक्षक राकेश ओला यांनी स्थानिक गुन्हे शाखेचे पोलीस निरीक्षक दिनेश आहेर यांना जिल्हयातील अवैध धंदयावर कारवाई करण्याचे आदेश दिले होते. त्यानुसार स्थानिक गुन्हे शाखेचे पोलिस निरीक्षक दिनेश आहेर यांच्या पथकाने आश्वी, घारगाव, लोणी व राहाता पोलीस स्टेशन हद्दीतील अवैध दारू विक्रेत्यांवर छापे घालून १५ जणांविरोधात गुन्हे दाखल केले आहे.
त्यांच्याकडून न ७८ हजार ३९० रुपयांचा मुद्देमाल जप्त केला. सदर कारवाई पोलीस अधीक्षक राकेश ओला, अपर पोलीस अधीक्षक वैभव कलुबर्मे, उपविभागीय पोलीस अधिकारी कुणाल सोनवणे, उपविभागीय पोलीस अधिकारी शिरीष वमने यांचे सुचना व मार्गदर्शनाखाली स्थानिक गुन्हे शाखेच्या पथकातील पोलीस अंमलदार दत्तात्रय हिंगडे, बापुसाहेब फोलाणे, बिरप्पा करमल, गणेश लोंढे, पंकज व्यवहारे, बाळासाहेब नागरगोजे, सोमनाथ झांबरे, रविंद्र घुंगासे, किशोर शिरसाठ, विशाल तनपुरे, जालींदर माने, रणजीत जाधव, उमाकांत गावडे व महादेव भांड यांनी बजावली.
