अहिल्यानगर । नगर सहयाद्री:-
अहिल्यानगरच्या १२ मतदारसंघाच्या निकालाकडे सर्वांचं लक्ष लागलं आहे. अहिल्यानगर जिल्ह्यात महाविकास आघाडीच्या दिग्गज नेत्यांना धक्का बसलाच असल्याचे चित्र समोर आले असू अहिल्यानगर जिल्ह्यातील संगमनेर शहरातून महायुतीची विजयाची मिरवणूक काढली जाणार असल्याची माहिती समोर आली आहे.
महायुतीचे उमेदवार राधाकृष्ण विखे यांनी तिरंगी लढतीत दोन्ही उमेदवारांना धूळ चारत पुन्हा एकदा आपला गड कायम राखला आहे. तर राष्ट्रवादी काँग्रेस अजित पवार गटाचे उमेदवार संग्राम जगताप हे 39 हजार 650 मतांनी विजयी झाले आहे. कोपरगाव विधानसभा मतदारसंघात पुन्हा एकदा आशुतोष काळे यांनी बाजी मारली असून 1,23,838 मतांनी विजय मिळविला आहे. जिल्ह्यातील संगमनेर विधानसभा मतदारसंघातून एक मोठा धक्कादायक निकाल समोर आला आहे.
संगमनेर विधानसभा मतदार संघातील काँग्रेसचे ज्येष्ठ नेते बाळासाहेब थोरात यांचा महायुतीचे उमेदवार अमोल खताळ यांनी पराभव केला आहे.तर राहुरी मतदारसंघात मा आमदार प्राजक्त तनपुरे आणि भाजपचे माजी आमदार शिवाजी कर्डिले यांच्यात देखील जोरदार टक्कर पहायला मिळाली असून माजी मंत्री शिवाजी कर्डिले यांचा विजय झाला.
कर्जत जामखे मतदार संघामध्ये आमदार राम शिंदे आणि रोहित पवार यांच्यात अटीतटीचा सामना रंगला असल्याचे कटर आहे. शेवगाव-पाथर्डी मतदारसंघात आमदार मोनिका राजळे यांनी देखील आघाडी घेतली तर नेवासा मतदार संघात देखील आमदार गडाख यांना टक्कर देत शिवसेना शिंदे गटाचे उमेदवार विठ्ललराव लंघे यांनी विजय मिळवला आहे.
