Hindkesari 2024: महाराष्ट्रातील कुस्तीपटू पैलवान समाधान पाटील याने मानाचा हिंदकेसरी किताब पटकावला आहे. तेलंगणा येथे झालेल्या हिंदकेसरी कुस्ती स्पर्धेच्या अंतिम सामण्यात समाधान पाटील यांनी दिल्लीचे मल्ल बल्लू खत्रीला चितपट केले.
यंदाची हिंदकेसरी कुस्ती स्पर्धा २०२४ तेलंगणा येथे पार पडली. अंतिम सामन्यात सोलापूरचा पैलवान समाधान पाटील आणि दिल्लीच्या बल्लू खत्री यांच्यामध्ये रंगला होता. या सामन्यात समाधान पाटील याने दिल्लीच्या मल्लाला आस्मान दाखवत मैदान मारले.
हिंदकेसरी विजेता पैलवान समाधान पाटील हा मुळचा सोलापूरचा शेतकरी कुटुंबातील मुलगा आहे. एकाच वर्षात महाराष्ट्र केसरी आणि हिंदकेसरी दोन्ही गदा सोलापूर जिल्ह्याच्या आल्या आहे. हिंदकेसरी कुस्ती स्पर्धेची गदा महाराष्ट्राच्या पैलवानांनी मारल्याने समाधान पाटील यांचे सर्वत्र कौतुक होत आहे.
