नगर सहयाद्री / परभणी
Sangharsha Yatra : राष्ट्रवादीचे आमदार रोहित पवार (Mla Rohit Pawar) हे राजकारणात सक्रिय झाले आहेत. युवासंघर्ष यात्रेच्या माध्यमातून ते महाराष्ट्र पिंजून काढताहेत. अजित पवार यांच्या राष्ट्रवादीतील बंडानंतर त्यांनी शरद पवारांच्या सोबत राजकीय धुरा हाती घेतली.
त्यांची युवासंघर्ष यात्रा काल परभणीत होती. जिंतूर तालुक्यात त्यांनी लोकांच्या भेटीगाठी घेत त्यांनी माणकेश्वर इथं झालेल्या अवकाळी पावसामुळे शेतीच्या झालेल्या नुकसानीची पाहणी केली. दरम्यान ते जनमानसात जात समस्या जाणून घेत आहेत. त्यांच्याशी समरस होत आहेत.
कुठे क्रिकेट खेळत आहेत तर कुठे ट्रॅक्टर चालवत आहेत. त्याची काल परभणीच्या येलदरी धरणात सूर मारला. पोहण्याचा मनसोक्त आनंद घेतला. परभणीत रोहित पवार यांनी ट्रॅक्टर चालवला.
पाऊस आला तरी आता आम्ही थांबणार नाही, म्हणत त्यांनी फोटो शेअर केलाय. त्यांच्या अॅक्टिव्हिटीमध्ये सहभागी होत आहेत. अशात क्रिकेट खेळणाऱ्या तरूणांसोबत रोहित पवार यांनी क्रिकेटचा आनंद घेतला.
