अहील्यानगर । नगर नगर सहयाद्री:-
नुकत्याच अहील्यानगरमध्ये भव्य आयोजनात व उत्साहात झालेल्या ६७ व्या महाराष्ट्र केसरी कुस्ती स्पर्धेतील विजेत्याव पदक प्राप्त मल्लांना गुरवार दि. १३ फेब्रुवारी रोजी अहिल्यानगरमध्ये होणाऱ्या कार्यक्रमात बक्षीसे मिळणार आहेत. या पारितोषिकांमध्ये दोन चारचाकी गाड्या, बुलेट व स्प्लेंडर या दुचाकी गाड्या व सोन्याच्या अंगठ्यांचा समावेश आहे. हा परितोषिक वितरण समारंभ राज्य कुस्तीगीर संघाचे नूतन उपाध्यक्ष व स्पर्धेचे संयोजक आमदार संग्राम जगताप व राज्य कुस्तीगीर संघाचे सचिव, हिंद केसरी योगेश दोडके यांच्या हस्ते सकाळी ११ वाजता भोसले लॉन येथे संपन्न होणार आहे, अशी महिती राज्य कुस्तीगीर संघाचे कार्याध्यक्ष पै. संदीप भोंडवे यांनी दिली.
अहील्यानगर येथे नुकत्याच झालेल्या ६७ वी वरिष्ठ राज्य अजिंक्यपद व महाराष्ट्र केसरी कुस्ती स्पर्धेतील गादी व माती विभागातील पदक विजेत्या कुस्तीगीरांना स्पर्धा आयोजक व राज्य कुस्तीगीर संघाचे उपाध्यक्ष आमदार संग्राम जगताप यांनीही बक्षीसे देण्याचे घोषित केले होते. त्यानुसार देण्यात येणाऱ्या फोर व्हीलर, बुलेट, टु व्हीलर गाड्या स्पर्धेच्या क्रीडानगरीत ठेवण्यात आल्याही होत्या. आता या गाड्यांचे व सोन्याच्या अंगठ्यांचे परितोषिक वितरण समारंभ गुरुवार दीनांक १३ फेब्रुवारी रोजी अहील्यानगरमध्ये आ.संग्राम जगताप यांच्या हस्ते संपन्न होणार आहे.
यामध्ये महाराष्ट्र केसरी किताब विजेता, उपविजेता यांच्यासह माती विभागातील ३० व गादी विभागातील ४० कुस्तीगीरांना बक्षिसे देण्यात येणार आहेत. स्पर्धेतील पदक विजेत्या कुस्तीगीरांनी बक्षीस रूपाने मिळणाऱ्या गाड्या रजिस्ट्रेशन करण्यासाठी लागणारी कागदपत्रे बरोबर आणावीत. अधिक माहितीसाठी व कागदपत्रे जमा करण्यासाठी जिल्हा कुस्तीगीर संघाचे सचिव डॉ. संतोष भुजबळ मो.नं ९६५७६१००९५ व कार्यालयीन सचिव निलेश मदने मो.नं ९२२५९८५५५५ यांच्याशी संपर्क करावा, असे आवाहन जिल्हा कुस्तीगीर संघाच्या वतीने करण्यात आले आहे.
