जामखेड । नगर सहयाद्री:-
जामखेड तालुक्यातील धनेगाव येथे स्थानिक गुन्हे शाखेच्या पथकाने 19 लाख 53 हजार रुपयांचा गुटखा पकडला. याप्रकरणी खर्डा पोलीस ठाण्यात गुन्हा दाखल करण्यात आला आहे. जामखेड तालुक्यातील धनेगाव येथे टाकलेल्या छाप्यात सुगंधित तंबाखू, पान मसाला आहे.
खर्डा परीसरात मोठ्या प्रमाणात अवैध धंदे सुरू आहेत याच अनुषंगाने खर्डा पोलीस स्टेशन हद्दीतील धनेगाव या ठिकाणी स्थानिक गुन्हे अन्वेषण पथकाने मोठी कारवाई केली आहे. अहिल्यानगरच्या स्थानिक गुन्हे शाखेच्या पथकाला धनेगाव येथे गुटख्याचा मोठा साठा असल्याची गुप्त माहिती मिळाली. त्यानुसार पथकाने सायंकाळी साडेसात वाजता छापा टाकला.
हीरा पान मसाला असे नाव असलेल्या गुटख्याच्या 1225 बॅग, 3 लाख 93 हजार 120 रुपये कीमतीचे रॉयल 717 असे नाव असलेली सुगंधित तंबाखूच्या 63 बॅग व पाचशे रुपये कीमतीचा निळ्या रंगाचा बारदाणा असा एकुण 19 लाख 53 हजार 620 रुपये कीमतीचा गुटखा पकडण्यात आला आहे.
य प्रकरणी स्थानिक गुन्हे शाखेचे पो.कॉ रोहित मधुकर मिसाळ यांनी खर्डा पोलीस स्टेशनला दिलेल्या फिर्यादीवरून अज्ञात व्यक्ती विरोधात गुन्हा दाखल करण्यात आला आहे. पुढील तपास खर्डा पोलीस स्टेशनचे सहाय्यक पोलीस निरीक्षक विजय झंजाड हे करत आहेत.
