अहिल्यानगर । नगर सहयाद्री:-
जिल्ह्याच्या राजकीय वर्तुळात खळबळ उडाली आहे. कारण आचारसंहिता लागू होताच पोलिसांनी पहिली कारवा केली आहे. एका व्यक्तीला मोठ्या रकमेसह ताब्यात घेण्यात आले आहे. राहुल आदिनाथ शेरकर (वय ४४, रा. माळीवाडा, अहिल्यानगर) असे तरूणाचे नाव आहे.
अधिक माहिती अशी: बुधवारी रात्री अमरधाम परिसरातुन राहुल आदिनाथ शेरकर याला कोतवाली पोलिसांच्या पथकाने ताब्यात घेतले आहे. त्याच्याकडे ३ लाख ८४ हजार ३०० रुपये रोकड आढळून आली. आचारसंहिता काळात ५० हजारांपेक्षा अधिक रक्कम बाळगण्यावर निर्बंध आहेत.
दरम्यान, ही रोकड नेमकी कशाची आहे, याची ठोस माहिती न देऊ शकल्याने कोतवाली पोलिसांनी आचारसंहितेच्या मार्गदर्शक सूचनेनुसार पुढील कारवाई सुरू केली आहे सदर रक्कम कशाची आहे, कोठून आणली आहे, निवडणुकीशी याचा काही संबंध आहे का, याचा तपास पोलीस करत आहेत.
