अहमदनगर। नगर सहयाद्री-
ऐन लोकसभा निवडणुकीची धामधूम सुरू असताना शिर्डी लोकसभा मतदारसंघाच्या उमेदवार उत्कर्षा रूपवते यांच्या वाहनावर दगडफेक केल्याचा खळबळजनक प्रकार घडला आहे. याप्रकरणी पोलीस ठाण्यात तक्रार दाखल करण्यात आली असून पोलीस अज्ञात व्यक्तींचा शोध घेत आहे.
शिर्डी लोकसभा निवडणुकीच्या वंचितच्या उमेदवार उत्कर्षा रूपवते सोमवार दि. ०६ मे रोजी आपल्या प्रचारार्थ नगर जिल्ह्यातील अकोले तालुक्यातील काही गावात गेल्या होत्या. प्रचार दौरा आटोपून रात्री चार चाकी वाहनाने संगमनेरच्या दीशेने जात असतांना चीतळवेढे गावाजवळ अज्ञात हल्लेखोरानी त्यांच्या वाहनांवर दगडफेक केली.
त्यांच्या वाहनचालकाने वेळे प्रसंगी सतर्कता दर्शवल्यामुळे या हल्ल्यातून शिर्डी लोकसभा मतदारसंघातील उमेदवार उत्कर्षा रूपवते थोडक्यात बचावल्या आहे. घडलेल्या घटनेची माहिती समजताच मतदार संघात मोठी खळबळ उडाली आहे.
