अहिल्यानगर । नगर सहयाद्री:
गावठी पिस्तूल व तीन जिवंत काडतुसे बाळगणाऱ्या सराईत गुन्हेगाराला कोतवाली पोलिसांनी जेरबंद केले. बिरजू राजू जाधव (वय २९, रा. पाटील हॉस्पीटलमागे, कोठी, अहिल्यानगर) असे त्याचे नाव आहे. त्याला ताब्यात घेण्यात आले असून, त्याच्या विरोधात कोतवाली पोलिस ठाण्यात गुन्हा दाखल करण्यात आला आहे.
पोलिस निरिक्षक प्रताप दराडे यांना एक इसम गावठी कट्ट्यासह क्लेरा ब्रुस मैदानावर गुन्हा करण्याच्या उद्देशाने फिरत असल्याची माहिती मिळाली. त्यांच्या आदेशानुसार गुन्हे शोध पथकाने तेथे जाऊन गावठी कट्टा व तीन काडतुसे बाळगणाऱ्या बिरजू याला ताब्यात घेतले.
त्याच्याकडून कट्टा व काडतूस जप्त करण्यात आले आहेत. पोकॉ सुरज दिलीप कदम यांच्या फिर्यादीवरुन त्याच्या विरोधात गुन्हा दाखल करण्यात आला आहे. अधिक तपास पोसई कृष्णकुमार सेदवाड करीत आहेत. दरम्यान, बिरजू हा सराईत गुन्हेगार असून त्याच्या विरोधात नऊ गंभीर गुन्हे दाखल आहेत.
