IAS Pooja Khedkar News: बनावट कागदपत्रांच्या आधारे नोकरी मिळवून आयएएस पद गमावलेल्या IAS अधिकारी पूजा खेडकर यांच्या अडचणीत वाढ झाली आहे. पूजा खेडकरला अटक होण्याची शक्यता आहे. यूपीएससी परीक्षेमध्ये फसवणूक आणि ओबीसी आणि अपंग कोट्याचा चुकीच्या पद्धतीने लाभ घेतल्याप्रकरणी पूजा खेडकरच्याविरोधात दाखल करण्यात आलेला होता.
यूपीएससी परीक्षा देण्यासाठी अतिरिक्त संधी मिळाव्यात यासाठी पूजा खेडकरने नावात बदल करुन शासनाची फसवणूक केली होती. त्यामुळे तिच्यावर यूपीएससीने गुन्हा दाखल करुन तिचं आयएएस पद रद्द केलं होतं. तसेच तिने ओबीसी आरक्षणाचा लाभ मिळावा, यासाठी आई-वडिलांपासून विभक्त राहात असल्याची कागदपत्रं बनवली होती.
याशिवाय पूजाने बोगस अपंग प्रमाणपत्र मिळवून आरक्षणाचा लाभ घेतला, असाही आरोप तिच्यावर आहे. त्यामुळे यूपीएससीने पूजावर गुन्हा दाखल केला होता. मात्र तिला अद्याप अटक होऊ शकलेली नाही. अटकेपासून संरक्षण मिळावं, यासाठी पूजाने कोर्टात धाव घेतलेली होती. त्या खटल्यासंदर्भात आज सुनावणी झाली. हायकोर्टाने पूजा खेडकरला अटकपूर्व जामीन देण्यास नकार दिला आहे.
