Nagar-Manmad highway ccident: नगर-मनमाड महामार्गावरील डिग्रस फाट्याजवळ काल दि. ९ डिसेंबर रोजी सकाळच्या दरम्यान दुचाकी व एसटी बसच्या झालेल्या भीषण अपघातात युवराज भुजाडी हा तरुण ठार झाल्याची घटना घडली.
जोगेश्वरी आखाडा येथील युवराज कैलास भुजाडी (वय २१) हा सुमारे तीन ते चार महिन्यांपूर्वी नगर एमआयडीसी येथील एका कंपनीत कामाला लागला होता. तो दररोज त्याच्या दुचाकीवर ये-जा करत असे.
काल दि. ९ डिसेंबर रोजी सकाळी ७ वाजे दरम्यान युवराज भुजाडी हा नेहमीप्रमाणे त्याच्या दुचाकीवर नगर एमआडीसी येथे कामाला जात असताना नगर-मनमाड महामार्गावरील डिग्रस फाट्याजवळ एकेरी वाहतूक असलेल्या ठिकाणी त्याच्या दुचाकीला समोरून येणाऱ्या एसटी बसची जोराची धडक बसली.
या धडकेत युवराज भुजाडी हा गंभीर जखमी झाला होता. त्यानंतर त्याला उपचारासाठी अहिल्यानगर येथील रुग्णालयात नेण्यात आले. मात्र तो उपचारापूर्वीच मयत झाल्याचे वैद्यकिय आधिकाऱ्यांनी घोषित केले.
