बुलढाणा / नगर सह्याद्री –
बुलडाण्यामध्ये शिक्षकांनी विद्यार्थ्याच्या आईवर बलात्कार केल्याची धक्कादायक घटना समोर आली आहे. बुलडाण्याच्या मलकापूरमध्ये ही घटना घडली आहे. मुलाला चांगले मार्क्स देऊन पहिला नंबर आणू असे म्हणत आरोपी शिक्षकांनी महिलेवर बळजबरी करत बलात्कार केला. याप्रकरणी वर्गशिक्षकासह सहकारी शिक्षकांवर पोलिसात गुन्हा दाखल करण्यात आला आहे. दोघांनाही पोलिसांनी बेड्या ठोकल्या. या घटनेमुळे खळबळ उडाली आहे.
‘तुझ्या मुलाला चांगले मार्क देऊन पहिला नंबर आणू, यासाठी तू फक्त आम्हाला खूश कर, अशी शरीरसुखाची मागणी दोन वर्ग शिक्षकांनी एका विद्यार्थ्याच्या आईकडे केली. या दोन्ही शिक्षकांनी विद्यार्थ्याच्या आईवर वारंवार बलात्कार केला. या घटनेमुळे मलकापूर शहरात खळबळ उडाली. याप्रकरणी वर्गशिक्षक समाधान इंगळे आणि शिक्षक अनिल थाटे यांच्यावर मलकापूर पोलिस ठाण्यात गुन्हा दाखल करत त्यांना अटक केली. या घटनेमुळे मलकापूरसह शाळा परिसरात खळबळ उडाली आहे.
समाधान इंगळे आणि शिक्षक अनिल थाटे या दोन्ही शिक्षकांनी ते शिकवत असलेल्या शाळेतील विद्यार्थ्याच्या ३४ वर्षीय आईला आमिष दाखवून बळजबरीने वेळोवेळी बलात्कार केला. तसेच त्या दोघांना खूश ठेवले नाही तर तिला आणि मुलाला जिवे मारण्याची धमकी सुद्धा दिली. याप्रकरणी पोलिसांनी दोन्ही शिक्षकांविरोधात गुन्हा दाखल केला. पोलिसांनी या दोन्ही नराधम शिक्षकांना अटक केली. अटकेनंतर त्यांना न्यायालयात हजर केले असता १४ दिवसांची न्यायालयीन कोठडी सुनावण्यात आली आहे.
