जामखेड । नगर सहयाद्री-
तालुक्यातील धामणगाव शिवारात शेळ्या चारण्यासाठी गेलेल्या इसमास मानवी शरीराचा सापळा आढळल्याने एकच खळबळ उडाली आहे. याबाबत एखादा व्यक्ती हरवलेली आसेल तर त्यांनी खर्डा पोलीस स्टेशनला संपर्क साधण्याचे आवाहन खर्डा पोलीसांनी केले आहे.
सचिन सदाशिव नंदिरे ( रा. धामणगाव ) हे नेहमीप्रमाणे शेळ्या चालण्यासाठी वनदरा धामणगाव परिसरात गेले असता त्यांना अज्ञात मानवाची कवटी व मानवी शरीराचा सापळा दिसून आला. यासंदर्भात त्यांनी धामणगाव चे सरपंच महारुद्र महारनवर यांना माहिती यंत्रे त्यांनी खर्डा पोलीस स्टेशन येथे संपर्क करत सदरची माहिती खर्डा पोलीसांनी दिली.
घटनेची माहिती मिळताच खर्डा पोलीस स्टेशनचे सहाय्यक पोलीस निरीक्षक विजय झंजाड यांच्यासह पोलीस हेडकॉन्स्टेबल रावसाहेब नागरगोजे, पोलिस कॉन्स्टेबल संजय जायभाय, विष्णू आवारे, पंडित हंबर्डे, बाळासाहेब खाडे, गणेश बडे यांच्या पोलीस पथकाने घटनास्थळ गाठत मानवी सापळा व सांगाडा ताब्यात घेतला. मृत व्यक्तीचे अंदाजे वय ३० ते ४० असण्याचा अंदाज व्यक्त करण्यात येत आहे.
सदर सापळ्याच्या शेजारी लाल चौकड्या रंगाचा शर्ट, काळा कलरची पॅन्ट व काळसर जर्किन आढळून आले संबंधित कपड्याच्या वर्णन किंवा अज्ञात कोणी व्यक्ती हरवला असेल तर खर्डा पोलिसांची संपर्क साधण्याचे आवाहन करण्यात आले आहे. पुढील तपास पोलीस निरीक्षक विजय झंजाड करत आहे.
