Hit And Run: अहिल्यानगर शहरातून एक मोठी बातमी समोर आली आहे. अहिल्यानगर शहरात हिट अँड रनची घटना घडली आहे. शहरातील मार्केट यार्ड परिसरातील महात्मा फुले चौकात ही घटना घडली असून यात एकाचा मृत्यू झाला आहे. तर तिन जण गंभीर जखमी झाले असल्याची माहिती पोलिसांनी दिली आहे.
जखमींवर खाजगी रुग्णालयात उपचार सुरु आहे. मद्यधुंद अवस्थेत गाडी चालवणाऱ्या ड्रायव्हर विरोधात कोतवाली पोलिसांनी ताब्यात घेतले असून त्याच्या विरोधात गुन्हा दाखल करण्यात येत आहे. रविंद्र रमेश कानडे (वय 32 , राहणार कानडे मळा, सोलापूर रोड, अहिल्यानगर) असं मयताचे नाव आहे.
मिळालेल्या माहितीनुसार, शहरातील मार्केट यार्ड परिसरातील महात्मा फुले चौकात संध्याकाळी 7 च्या सुमारास XUV 500 कारने दुचाकी आणि पायी चालणाऱ्या नागरिकांना धडक दिली.
या दुर्घटनेत एकाचा जागीच मृत्यू झाला तर चौघेजण गंभीर जखमी झाले आहे. सध्या जखमींवर खाजगी रुग्णालयात उपचार सुरु आहे तर मद्यधुंद अवस्थेत गाडी चालवणाऱ्या ड्रायव्हर विरोधात कोतवाली पोलीस ठाण्यात गुन्हा दाखल करण्यात येत आहे.
