अहिल्यानगर । नगर सहयाद्री :-
गेल्या काही दिवसांपासून अहिल्यानगर जिल्ह्यात मान्सून पूर्व पावसाने दमदार हजेरी लावली. तर शनिवार, रविवार आणि सोमवारी जिल्ह्यात संततधार पाऊस सुरु आहे. पावसाळ्यापूवच जिल्ह्यात 201 मिलीमिटर पाऊस झाला आहे. सोमवारी जिल्ह्यात 30 मिलीमिटर पाऊस झाला.
जिल्ह्यात शुक्रवार, शनिवार आणि रविवार असा सलग तीन दिवस सर्वदूर पावसाने हजेरी लावली. त्यात शनिवारी व रविवारी दक्षिण नगर जिल्ह्यातील अहिल्यानगर शहर व तालुका, श्रीगोंदा, पारनेर, कर्जत व राहुरी या तालुक्यात पावसाचा जोर चांगलाच वाढला होता. त्यामुळे नदीनाल्यांना पूर आला होता. भाजीपाला, कांदा, आंबा, केळी, पपई आदी फळबागांचे मोठे नुकसान झाले. या पावसामुळे शेतकऱ्यांची दाणादाण झाली. मान्सून पूर्व पावसाने सोमवारी जिल्ह्यात सर्वदूर पाऊस झाला. मंगळवारीही दुपारपासून जिल्ह्याच्या अनेक भागात पावसाने हजेरी लावली. शहरात झालेल्या पावसामुळे रस्ते जलमय झाले होते.
सोमवारचा तालुकानिहाय पाऊस
सोमवारी जिल्ह्यात 30 मिलीमिटर पाऊस झाला. नगर 36.9, पारनेर 41.2, श्रीगोंदा 42.9, कर्जत 47.8, जामखेड 47.7, शेवगाव 12.9, पाथड 13.3, नेवासा 27.1, राहुरी 38.8, संगमनेर 19.1, अकोले 16.9, कोपरगाव 5.7, श्रीरामपूर 25.1, राहाता 34.7 मिलीमिटर पाऊस झाला. सोमवारी नागपूर 68, पारनेर 72, कर्जत 76.5, वालवड 76.5, वांबोरी 68 या पाच महसूल मंडलात अतिवृष्टी झाली.
