श्रीरामपूर । नगर सहयाद्री-
श्रीरामपूर शहरात एक धक्कादायक घटना घडल्याची बातमी समोर आली आहे. एकीकडे अल्पवयीन मुला-मुलींच्या कृत्याने शहरात एकच खळबळ उडाली असून दुसरीकडे यांना सहकार्य करणाऱ्या चौधरी विरोधात पोलिसांनी गुन्हा दाखल केला आहे.
एक अल्पवयीन मुलगा दहावीत शिक्षण घेतो. त्याची एका अल्पवयीन मुलींशी ओळख झाली. लहानपणाचा व अज्ञानपणाचा गैरफायदा घेत तिला धमकावून, धाक दाखवून, दडपशाही करून तिच्यावर वेळोवेळी बळजबरीने अत्याचार केला.
विशेष म्हणजे अल्पवयीन आरोपीचा साथीदार चौधरी याने वेळोवेळी मदत करत अल्पवयीन मुलीला दुचाकीवर बसवून अत्याचार करणारा अल्पवयीन आरोपी याच्याकडे नेऊन सोडल्याचे समोर आले आहे. या सततच्या अत्याचारामुळे मुलगी गर्भवती झाली आहे.
पीडित मुलींच्या कटुबीयांना हा प्रकार कळताच धक्काच बसला असून अल्पवयीन मुलीने दिलेल्या फिर्यादीवरून बलात्कार करणारा अल्पवयीन मुलगा व त्याला मदत करणारा आरोपी आदित्य शिवाजी चौधरी वय-20 वर्ष, रा-इंदिरानगर,श्रीरामपूर याच्याविरुद्ध गुन्हा दाखल केला आहे.
