नवी दिल्ली / नगर सहयाद्री : सर्वसामान्यांना मोठा दिलासा देत केंद्र सरकारने मधुमेह, अंगदुखी, ताप, हृदय, सांधेदुखी कमी करणारे तेल आणि संसर्गावरील औषधे स्वस्त केली होती.
देशात वैद्यकीय उपचार घेणे खूप महाग होत चालले आहे. अशा परिस्थितीत केंद्र सरकारने सर्वसामान्यांना दिलासा देण्याचा निर्णय घेतला आहे. नॅशनल फार्मास्युटिकल प्राइसिंग अथॉरिटी ने 69 नवीन फॉर्म्युलेशनची किरकोळ किंमत निश्चित केली आहे.
या निर्णयामुळे आता कोलेस्टेरॉल, साखर, ताप, संसर्ग, अतिरक्तस्राव, कॅल्शियम, व्हिटॅमिन डी, लहान मुलांची अँटिबायोटिक्स यासह 100 औषधे स्वस्त होणार असल्याची माहिती मिळाली आहे. सरकारी अधिसूचनेनुसार नवीन पॅकिंगवर सुधारित दर असेल.
त्याच वेळी, डीलर नेटवर्कला देखील नवीन किंमतींची माहिती द्यावी लागणार आहे. नवीन पॅकिंगवर सुधारित दर लिहिला जाईल. डीलर नेटवर्क नवीन किमतींबद्दल माहिती देतील. कंपन्यांनी त्यासाठी पैसे भरले असतील तरच ते निश्चित किंमतीवर जीएसटी वसूल करू शकतील.
