LPG Cylinder Price: नागरिकांसाठी नवंवर्षांच्या पहिल्याच दिवशी आनंदाची बातमी समोर आली आहे, देशातील प्रमुख गॅस कंपन्यांनी व्यावसायिक एलपीजी सिलेंडरच्या किमतीत घसरण केली आहे.
महिन्याच्या पहिल्या दिवशी तेल कंपन्या गॅस सिलिंडरचे नवे दर जाहीर करत असतात. गेल्या महिन्यात केंद्राने एलपीजी गॅस सिलेंडरची किंमत ३९.५० रुपयांनी कमी केली होती. त्यामुळे व्यावसायिकांना मोठा दिलासा मिळाला होता.
यावेळी मात्र सिलिंडरच्या दरात २ रुपयांची कपात झाल्यामुळे व्यावसायिक सिलिंडर १.५० रुपयांनी स्वस्त झाला असून त्याची किंमत १७०८.५० रुपयांवर आली आहे. हा दिलासा सर्वसामान्यांना नसून दुकानदार व हॉटेल चालकांना देण्यात आला आहे.
व्यावसायिक गॅस सिलिंडरच्या दरात कपात करण्यात आली असली असून घरगुती गॅस सिलिंडरच्या दरात कुठलाही बदल करण्यात आलेला नाही. महाराष्ट्रात घरगुती एलपीजी सिलेंडरची किंमत ९०२.५ रुपये आहे.
