मुंबई। नगर सहयाद्री-
कांदा उत्पादक शेतकऱ्यासाठी आनंदाची बातमी समोर आली आहे. सरकारनं संयुक्त यूएईला म्हणजेच संयुक्त अरब अमीरातीला कांदा निर्यात करण्याचा निर्णय घेतलाय. परकीय व्यापार महासंचालनालयाने याबाबतचे आदेश जारी केले आहेत.
गेल्या काही महिन्यांपासून अडचणीत होते. कांदा निर्यातीला केंद्र सरकारने बंदी घातली होती. यामुळे देशांतर्गत बाजारपेठेत कांद्याचे दर कोसळले होते. सुरुवातीला ही बंदी ३१ मार्च २०२४ पर्यंत होती. परंतु त्यात पुन्हा वाढ करण्यात आली आहे.
दरम्यान सरकारच्या या निर्णयामुळे कांदा उत्पादक शेतकऱ्यांना काहीसा दिलासा मिळाला आहे. केंद्र सरकारने बांगलादेशला 50,000 टन आणि भूतानला 550 टन, बहरीनला 3,000 टन, मॉरिशसला 1,200 टन आणि यूएईला 14,400 टन कांदा निर्यात करण्यास परवानगी दिली आहे, असे अधिकाऱ्याने सांगितले.
