crime News: व्याजाने पैसे देऊन व्याजाच्या मोबदल्यात शरीरसुखाची मागणी करत महिलेला ब्लॅकमेल करून जबरदस्तीने शारीरिक संबंध ठेवण्यास भाग पाडण्यात आल्याची घटना उघडकीस आली आहे. या प्रकरणी पोलिसांनी कारवाई करत एका आरोपीला अटक केली आहे. रामा विठ्ठल जानकर (वय-४६, रा. शिवप्रसाद कॉलनी, कदमवाडी, कोल्हापूर) या आरोपीला अटक केली आहे.
सावकार जानकरने सुरुवातीला तिला ७० हजार रुपये १० टक्के व्याजाने दिले होते. मात्र, व्याजाच्या पैशांसाठी तगादा लावत त्याने महिलेची असहाय्यता पाहून तिच्यावर जबरदस्ती केली. दारू पाजून बेशुद्ध अवस्थेत तिचे छायाचित्र आणि व्हिडिओ तयार करून ते नातेवाईकांना पाठवण्याची धमकी देत त्याने तिला अनेकदा अत्याचार सहन करण्यास भाग पाडले.
जानकरने व्याजाच्या पैशांसाठी तिचे राहते घरही तीन लाख रुपयांत बळजबरीने नावावर करून घेतले. त्यानंतरही व्याजाच्या मोबदल्यात शरीरसंबंध ठेवण्यास भाग पाडत राहिला. त्याच्या सततच्या धमक्या आणि जबरदस्तीमुळे पीडित महिलेने शेवटी पोलिसांकडे धाव घेतली.जानकर हा कोणत्याही शासकीय दफ्तरी अधिकृत सावकार नसून तो अनधिकृतपणे व्याजाने पैसे देत असल्याचे स्पष्ट झाले आहे. सदरची घटना कोल्हापुरातील शाहूपुरी पोलीस ठाण्याच्या हद्दीत घडली आहे.
