अहिल्यानगर । नगर सहयाद्री:-
दुचाकी चोरी करणाऱ्या आरोपीला कोतवाली पोलीसांकडून जेरबंद केले. आरोपी मोहमद मुसा शेख (रा. कोठला झोपडपट्टी, अहिल्यानगर) असे आरोपीचे नाव आहे. पोलीसांनी आरोपीकडून चोरीची मोटारसायकल हस्तगत केली आहे.
गौतम रघुनाथ आरगडे (वय-१९ वर्षे, रा. सौदाळा, ता. नेवासा, जि. अहमदनगर) यांची हिरो कंपनीची एचएफ डिलक्स मोटार सायकल ९ नोव्हेंबर २०२४ रोजी मध्य रात्री पार्किंगमधून चोरीला गेली होती. फिर्यादी गौतम आरगडे यांनी याबाबत कोतवाली पोलीस ठाण्यात तक्रार दाखल केली होती. त्यानुसार गुन्हा रजिस्टर करण्यात आला होता.
सदर गुन्ह्याचा तपास सुरु असतांना गुन्हे शोध पथकाला सदरची दुचाकी कोठला झोपडपटटी परिसरात असल्याची माहिती मिळाली. त्यानुसार पोलीस पथकांने दुचाकीसह आरोपी मोहमद मुसा शेख याला ताब्यात घेतले. चौकशीत आरोपीने सुरुवातीला गोंधळाचे उत्तर दिले, परंतु अधिक तपासणी केल्यानंतर त्याने मोटार सायकल चोरी केल्याची कबुली दिली.
सदरची कारवाई पोलिस अधीक्षक राकेश ओला, अपर पोलीस अधीक्षक प्रशांत खैरे, उपविभागीय पोलीस अधिकारी अमोल भारती यांच्या मार्गदर्शनाखाली पोलीस निरीक्षक प्रताप दराडे, साो सपोनि योगीता कोकाटे, पोहेकाँ योगेश भिंगारदिवे, विशाल दळवी, सलिम शेख, विक्रम वाघमारे, शरद वाघ, मपोना वंदना काळे, पोकाँ अभय कदम, अमोल गाढे, सतिष शिंदे, अतुल काजळे, यांच्या पथकाने केली आहे.
