आर्थिक गुन्हे शाखेची कारवाई | नऊ आरोपी जेरबंद; वैश्विक दिव्यांगत्व प्रणालीचा गैरवापर
अहिल्यानगर | नगर सह्याद्री
जिल्हा शासकीय रुग्णालयाच्या वैश्विक दिव्यांगत्व प्रणालीचा आयडी व पासवर्ड चोरून शेकडो बनावट दिव्यांग प्रमाणपत्रे तयार करणार्‍या एका मोठ्या रॅकेटचा पर्दाफाश अहिल्यानगर पोलीस अधीक्षक कार्यालयाच्या आर्थिक गुन्हे शाखेने केला आहे. या प्रकरणी आतापर्यंत तब्बल ९ आरोपी निष्पन्न झाले असून, आरोपींची संख्या वाढण्याची शक्यता वर्तवण्यात येत आहे.
अति. जिल्हा शल्य चिकित्सक यांनी याबाबत तोफखाना पोलीस स्टेशनमध्ये गुन्हा (क्र. १९८९/२०२५) दाखल केल्यानंतर, गुन्ह्याचा तपास पोलीस अधीक्षक, अहिल्यानगर यांच्या आदेशाने आर्थिक गुन्हे शाखेकडे वर्ग करण्यात आला होता. पोलीस उपअधीक्षक यांच्या मार्गदर्शनाखाली सहायक पोलीस निरीक्षक योगेश जाधव तपास करत आहेत.
तपासात धक्कादायक माहिती उघड झाली आहे. सिव्हील हॉस्पिटल, अहिल्यानगर येथून १४२ दिव्यांग प्रमाणपत्रे डबल जाबक क्रमांक नोंदवून संशयास्पद रित्या वितरित करण्यात आली आहेत. पोलीस अधीक्षक यांनी स्वतः या तपासात लक्ष घालून जिल्हा शल्यचिकित्सकांना तातडीने १४२ प्रकरणांची माहिती सादर करण्याचे निर्देश दिले आहेत. या गंभीर गुन्ह्याच्या मुळापर्यंत जाण्यासाठी तांत्रिक मदत घेऊन पुढील तपास सुरू आहे. या प्रकरणाबाबत माहिती असल्यास नागरिकांनी आर्थिक गुन्हे शाखेशी संपर्क साधावा, असे आवाहन करण्यात आले आहे.
वा, असे आवाहन करण्यात आले आहे.
