अहमदनगर । नगर सहयाद्री
जिल्ह्यातील एका घटनेनं खळबळ उडाली आहे. नेवासा तालुक्यात हा धक्कादायक प्रकार घडला आहे. याप्रकरणत एका तरुणाचा मृत्यू झाला आहे. मयत तरुणाच्या वडिलांच्या फिर्यादीवरून नेवासा पोलीस ठाण्यात तिघांवर गुन्हा दाखल करण्यात आला आहे. मागील भांडणाच्या कारणावरून सदरचा प्रकार घडला आहे.
फिर्यादीनुसार, भाऊसाहेब परभत नेमाणे, मूळ रा. शिरेसायगाव, ता. गंगापूर हल्ली रा. खडकाफाटा, ता. नेवासा यांनी दिलेल्या तक्रारीनुसार 31 जुलै रोजी सायंकाळी साडेपाच वाजता त्यांचा मुलगा शरद नेमाणे हा घरासमोर उलट्या करताना दिसला. विचारले असता शरदने सांगितले की, सकाळी साडेअकरा वाजता अमोल खेमनर यांच्या शेतात गेल्यावर मागील भांडणाच्या कारणावरून अमोल किसन खेमनर, वच्छलाबाई किसन खेमनर आणि किसन खेमनर यांनी त्याला शिवीगाळ आणि दमदाटी करून लाथाबुक्क्यांनी पोटात मारहाण केली.
मारहाणीनंतर शरदला पोटदुखी आणि उलट्यांचा त्रास होऊ लागल्याने त्याची आई सुशीलाबाई त्याला नेवाशातील खासगी दवाखान्यात उपचारासाठी घेऊन गेली. पुढील दिवशी शरदचा त्रास वाढल्याने त्याला सरकारी रुग्णालयात दाखल केले असता, अडीच वाजता त्यास मृत घोषित करण्यात आले.या फिर्यादीवरून अमोल किसन खेमनर, वच्छलाबाई किसन खेमनर आणि किसन खेमनर यांच्यावर भारतीय न्याय संहिता कलम 103(1), 115(2), 351(2) आणि 352 अंतर्गत गुन्हा दाखल करण्यात आला आहे
