Maharashtra Crime News: एक खळबळ जनक बातमी समोर आली आहे. २००० पोलिसांनी १०० जणांना ताब्यात घेत बोगस कॉल सेंटरचा बुरखा फाडला आहे. मध्यरात्री धाड टाकत पोलिसांनी ही कारवाई केली. मोबाईल, लॅपटॉप आणि इतर साहित्या जप्त करण्यात आले आहे.
पुण्यातील खराडी परिसरातील प्राईड आयकॉन इमारतीत चालणाऱ्या बनावट कॉल सेंटरवर पुणे पोलिसांच्या गुन्हे शाखेने छापा टाकला. मॅग्नेटल बी पी एस अँड कन्सल्टन्सी एलएलपी नावाच्या या कॉल सेंटरमधून अमेरिकेतील नागरिकांना ‘डिजिटल अटक’च्या नावाखाली फसवून लाखो रुपये उकळण्याचा प्रकार सुरू होता. या कारवाईत १०० हून अधिक जणांना पकडण्यात आले आहेतय. यामध्ये अनेक तरुणींचा समावेश आहे.
पोलिसांनी ४१ मोबाईल, ६१ लॅपटॉप आणि इतर महत्त्वाचे साहित्य जप्त केले आहे. खराडी-मुंढवा बायपास रस्त्यावरील या इमारतीच्या नवव्या मजल्यावर हे बनावट कॉल सेंटर कार्यरत होते. पोलिसांनी मिळालेल्या गुप्त माहितीच्या आधारे ही कारवाई केली. या प्रकरणातील मुख्य आरोपी गुजरातमधील आहे.
