पारनेर । नगर सहयाद्री:-
पारनेर शहरात दोन तिन दिवसां पासून रिमझिम पाऊस पडत असल्याने पारनेर शहरातील आठवडी बाजारात चिखल व घाणीचे साम्राज्य निर्माण झाल्याने ग्राहक व विक्रेते कमालीचे त्रस्त झाल्याचे चित्र दिसून येत आहे.त्यामूळे नागरिकांचे आरोग्याचा प्रश्न निर्माण झाला आहे. सध्या पावसाळा असल्याने साथीच्या आजाराने डोके वर काढले आहे. त्यामुळे पारनेर नगर पंचायत संभदित प्रशासन व स्वच्छता विभागाने बाजारातील रस्त्यांचे काँक्रिटीकरण करण्याची मागणी शहरातील नागरिक करत आहे.
दर रविवारी पारनेर शहरातील आठवडी बाजार भरला जातो.परिसरातील बारा तेरा वाड्या व वस्त्या वरील शेकडो नागरिक भाजीपाला खरेदी व विक्री करण्यासाठी या आठवडी बाजारात येत असतात.बाजारात आलेल्या ग्राहकांना या चिखलाचा सामना करावा लागतो.नागरीकांच्या या समस्या बाबत पारनेर नगर पंचायत अनभिज्ञ असल्याचे दिसून येत आहे.नगर पंचायत प्रशासना कडून बाजारा मध्ये भाजीपाला विक्री साठी आणलेल्या मालावर कर वसूल केला जातो पण त्यांना बाजारातली प्राथमिक नागरी सुविधा देण्यास नगर पंचायत प्रशासन असमर्थ ठरत आहे. पारनेर नगर पंचायत स्वच्छता विभागाने व सत्ताधारी पक्षाच्या नगराध्यक्ष व पदाधिकारी यांनी तात्काळ दखल घेउन बाजारातली चिखल समास्या दुर करण्यासाठी संपूर्ण बाजारातील रस्त्यांचे काँक्रिटीकरण करण्याची मागणी शहरातील नागरिक करत आहेत.
चौकट :
आठवडी बाजारातील चिखल समस्या सोडवावी व भाजीपाला विक्रेते यांना कायमस्वरूपी पिण्याचे पाण्याची सोय करण्यात यावी.
किरण सोनवणे
– तालुकाध्यक्ष (आरपीआय (आंबेडकर गट) पारनेर)
