Ahilyanagar Crime News: एकीकडे शिर्डीत रामनवमीच्या उत्सवाला मोठ्या उत्साहात सुरुवात झाली आहे. तर दुसरीकडे शिर्डीत दोघांची निर्घुण हत्या करण्यात आली आहे. तर एक जण गंभीर जखमी झाला आहे. शिड विमानतळाजवळील काकडी शिवारातील गुंजाळवस्तीवर ही घटना घडली आहे. दरोड्याच्या उद्देशाने हल्ला करत हत्या झाल्याची प्राथमिक माहिती समोर येत आहे. यामुळे परिसरात एकच खळबळ उडाली आहे.
मृतात वडील व मुलाचा समावेश आहे तर आई गंभीर जखमी झाली आहे. साहेबराव भोसले (60) व कृष्णा भोसले (30) अशी मृतांची नावे आहेत. याबाबत मिळालेल्या माहितीनुसार, शिड विमानतळाजवळील काकडी शिवारातील गुंजाळवस्ती येथे दोघांची निर्घृण हत्या तर एक जण गंभीर जखमी आहे. दरोड्याच्या उद्देशाने हल्ला करत हत्या झाल्याची प्राथमिक माहिती समोर येत आहे.
शनिवारी पहाटेच्या सुमारास ही घटना घडली आहे. घरातील सामानाची उचकापाचक झाल्याचे देखील समजते. घटनेची माहिती मिळताच पोलीस अधिकारी घटनास्थळी दाखल झाले आहेत. हत्येचे कारण अद्याप अस्पष्ट असून पोलीस या प्रकरणाचा तपास करत आहेत. मात्र, दोघांच्या हत्येमुळेशिर्डीत एकच खळबळ उडाली आहे.