खडकवाडी आदर्श शैक्षणिक संकुलात सत्कार
पारनेर / नगर सह्याद्री –
आपले शिक्षण पुर्ण झाले आता राजकारणातुन सामाजिक काम करायचे ही खुणगाट मनाशी बांधली गावाचा उपसरपंच झाला मात्र मनातील स्पर्धा परीक्षांची देण्याची इच्छा संपत नव्हती गावाचा कारभार पाहत उपसरपंच अक्षय ढोकळे तलाठी पदाची परीक्षा उत्तीर्ण झाले आहेत.हे यश तरुण वर्गाला प्रेरणादायक आहे. आसे प्रतिपादन आदर्श शैक्षणिक संकुलाचे सचिव डाॅ. बाबासाहेब ढोकळे यांनी केले.
खडकवाडी(ता.पारनेर)येथील अक्षय ढोकळे यांची नुकतीच तलाठी पदावर नियुक्त झाली. ढोकळे यांचा आदर्श शैक्षणिक संकुलाच्या वतीने सत्कार करण्यात आला त्यावेळी डाॅ.ढोकळे बोलत होते. यावेळी काशिनाथ रोहकले, प्राचार्य अनिल ढोकळे, प्राचार्य जीमी वर्गीस, उपप्राचार्य नितीन लोखंडे, उपप्राचार्य किरण लेंभे, अधिक्षक पोर्णिमा गांगड, संजय टेकुडे उपस्थित होते.
डाॅ. ढोकळे म्हणाले, ग्रामीण भागातील विद्यार्थी आता विविध स्पर्धा परीक्षांमधून यश संपादित करत पुढे येत आहेत कुठलीही शिकवणी न लावता स्वत: अभ्यास करत उत्तीर्ण होत आहेत. ही समाधानाची बाब आहे.
