मुंबई / नगर सह्याद्री : सुपरस्टार नाना पाटेकर यांचे असंख्य चाहते आहेत. अनेक सिनेमांमधील दमदार भूमिका साकारणारे नाना पाटेकर हे आजही चाहत्यांच्या मनावर राज्य करत आहेत. ते केवळ सिनेमाचं नव्हे तर त्यांच्या वक्तव्याने देखील प्रसिद्ध आहेत.
आता सध्या नाना पाटेकर यांनी भाजप पक्ष आणि देशाचे पंतप्रधान नरेंद्र मोदी यांच्याबद्दल मोठं वक्तव्य केलं असून सध्या त्याचीच चर्चा सुरु आहे. एका खासगी वृत्तवाहिनीला दिलेल्या मुलाखतीत नाना पाटेकर यांना ‘आगामी लोकसभा निवडणुकीबद्दल तुम्हाला काय वाटतं?’ असा प्रश्न विचारण्यात आला. यावर नाना पाटेकर म्हणाले, ‘देशाकडे भाजपशिवाय दुसरा पर्याय नाही…’ सध्या नाना पाटेकर यांचं वक्तव्य सर्वत्र चर्चेत आहे.
‘आगामी निवडणुकीत भाजपला 350-375 जागा मिळतील आणि पुन्हा भाजप सत्तेत येईल. भाजप देशात उत्तम काम करत आहे. त्यामुळे 2024 मध्ये होणाऱ्या निवडणुकीत भाजप पक्षाला नक्कीच यश मिळेल आणि पुन्हा नरेंद्र मोदी देशाचे पंतप्रधान होतील.. देशाकडे भाजपशिवाय दुसरा पर्याय नाही.’ असं देखील नाना पाटेकर म्हणाले. त्यामुळे लोकसभा निवडणुकीपूर्वी नाना पाटेकर यांनी केलेलं भाकीत चर्चेत आहे.
