अहिल्यानगर । नगर सहयाद्री:-
नगर शहर विधानसभा मतदार संघातील महायुतीचे उमेदवार आ. संग्राम जगताप यांच्या प्रचारार्थ सोमवारी सकाळी (दि.18 नोव्हेंबर) भिस्तबाग, सावेडी येथून नगर विकास यात्रा काढण्यात आली.
यावेळी नागरिकांसह युवक-युवती व महिलांनी मोठ्या उत्साहात आ. जगताप यांचे स्वागत केले. चौकाचौकात महाकाय पुष्पहाराने त्यांचा सत्कार करण्यात आला. आ. जगताप यांना पुणेरी टोपी घालून हातात वीणा देऊन पारंपारिक पध्दतीने सन्मान करण्यात आला.
बाल वारकऱ्यांनी टाळ-मृदंगाच्या निनादात, जय हरी विठ्ठल, ज्ञानोबा-तुकोबांचा जयघोष करुन आ. जगताप यांचे भक्तीमय वातावरणात स्वागत केले. प्रचार रॅलीत महिलांसह युवकांची संख्या प्रेक्षणीय होती.
बालगोपाल देखील स्वागतासाठी हजर होते. प्रचाराच्या शेवटच्या दिवशी भिस्तबाग परिसरातून नागरिकांनी आ. जगताप यांना उत्स्फूर्तपणे प्रतिसाद दिला.
