मुंबई । नगर सहयाद्री:-
शिवसेना (ठाकरे गट) पक्षाचे खासदार संजय राऊत यांनी मुख्यमंत्री एकनाथ शिंदे यांच्याबाबत मोठे आरोप केले आहेत. राऊत यांनी दावा केला की, शिंदे दिल्लीला मौलवीच्या वेशात जात असत. “एकनाथ शिंदे वेगळ्या विमानतळावरून दिल्लीला जात असताना मौलवीच्या वेशात गेले आहेत. त्यांना दाढी आहेच. पण माझ्या माहितीनुसार, नाव बदलून त्यांनी मौलवीचा वेश धारण केला होता,” असा खळबळजनक आरोप राऊत यांनी केला.
पुढे बोलतांना खा. राऊत म्हणाले, शिंदे यांनी धर्मवीर चित्रपटाची निर्मिती केली आहे आणि ते स्वतःला आनंद दिघे यांचे शिष्य मानतात. तथापि, शिंदे दिल्लीला मौलवीच्या वेशात अनेकदा गेले आहेत, असे राऊत यांनी सांगितले.
तसेच, अजित पवार हे देखील वेशांतर करून दिल्लीला येतात, मात्र त्यांना कोणालाही अडवले जात नाही शिंदे यांनी बनावट ओळखपत्रे, पॅनकार्ड, पासपोर्ट आणि आधारकार्ड बनवले आहेत. यासोबतच, त्यांच्या वेशांतराच्या अडचणींना कोणताही अडथळा येत नाही, असा आरोप राऊत यांनी केला.
