मुंबई । नगर सह्याद्री-
अभिनेत्री रश्मिका मंदान्ना हिची दक्षिणेत जबरदस्त फॅन फॉलोइंग होती, पण अल्लू अर्जुनचा ‘पुष्पा’ हा चित्रपट प्रदर्शित झाला तेव्हा तिने त्यात ‘श्रीवल्ली’ची भूमिका करून हिंदी पट्ट्यात आपला ठसा उमटवला. आता ईदच्या दिवशी प्रदर्शित होणाऱ्या एआर मुरुगदासच्या ‘सिकंदर’ मध्ये बॉलिवूडचा ‘भाईजान’ सोबत ‘श्रीवल्ली’ झळकणार आहे.
यंदाच्या ईदच्या मुहूर्तावर सलमान खानच्या सिकंदरची घोषणा करण्यात आली. पुढच्या वर्षी ईदला तो सिकंदरच्या भूमिकेत येत असल्याचे सलमानने सांगितले. आमिर खानचा सुपरहिट चित्रपट ‘गजनी’चे दिग्दर्शक एआर मुरुगदास यांनी साजिद नाडियादवालाच्या या चित्रपटाच्या दिग्दर्शनाची जबाबदारी स्वीकारली आहे. आता या चित्रपटाच्या नायिकेबाबत एक मोठे अपडेट समोर आले आहे.
याबाबत Nadialwala Grandson या प्रोडक्शन हाउसच्या एक्स अकाउंटवरुन माहिती देण्यात आली आहे. रश्मिका मंदाना आणि सलमान खान पहिल्यांदाच एकत्र काम करणार आहे. या दोघांची केमिस्ट्री पाहण्यासाठी प्रेक्षक खूपच उत्सुक असल्याचे दिसत आहे.बॉलिवूडचा ‘भाईजान’ लवकरच सिकंदर चित्रपटातून प्रेक्षकांच्या भेटीला येणार आहे. मध्यंतरी अभिनेत्याच्या गॅलेक्सी अपार्टमेंटवर हल्ला करण्यात आला होता. याबाबत पोलिस तपास करत आहेत.
