Santosh Deshmukh Murder Casel: सरपंच संतोष देशमुख यांच्या हत्येला आता जवळपास दोन महिने पूर्ण होत आहेत. मात्र, अजूनही ठोस पुरावे मिळालेले नाहीत. आरोपींना न्यायालयीन कोठडीसुनावण्यात आली असली, तरी मुख्य आरोपी कृष्णा आंधळे फरार आहे. अशातच, या प्रकरणात एक मोठी अपडेट समोर आली आहे. सरपंच संतोष देशमुख हत्या प्रकरणातील आरोपी सुदर्शन घुले याच्या मोबाईलमधील डेटा रिकव्हर करण्यात यश आले आहे, अशी माहिती धनंजय देशमुख यांनी दिली आहे. तसेच, विष्णू चाटे यांच्या मोबाईलमधील डेटा देखील सीआयडीने शोधला असून, त्यात महत्त्वाची माहिती असल्याचा दावा करण्यात येत आहे.
तपासात काही गोपनीयता पाळायची असल्याने सविस्तर माहिती दिली जात नाही, परंतु तपास समाधानकारक सुरू आहे, असे धनंजय देशमुख यांनी सांगितले. धनंजय देशमुख यांनी मुख्यमंत्री देवेंद्र फडणवीस यांच्याकडे देशमुख कुटुंबाला न्याय मिळवून देण्यासाठी प्रयत्न करण्याची मागणी केली आहे. आरोपींची स्कॉर्पिओ गाडी ताब्यात घेण्यात आली होती, त्यामध्ये मोबाईल सापडले होते. देशमुखांना मारहाण करताना आरोपींनी शूटिंग केल्याची चर्चा होती. आता घुले याच्या मोबाईलचा डेटा रिकव्हर झाल्यामुळे ते व्हिडिओ मिळतात का, हे पाहणे महत्त्वाचे ठरणार आहे.
संतोष अण्णा देशमुख यांना न्याय देताना ज्या गोष्टी अडसर ठरत असतील, त्यावर मुख्यमंत्र्यांनी ठोस भूमिका घ्यावी, अशी प्रतिक्रिया धनंजय देशमुख यांनी मंत्री धनंजय मुंडेयांच्या राजीनाम्याच्या प्रश्नावर दिली आहे. धनंजय देशमुख यांनी केजयेथील शासकीय विश्रामगृहावर सीआयडीचे अधिकारी अनिल गुजरयांची भेट घेतली आणि तपासाच्या अनुषंगाने चर्चा केली.
