मुंबई / नगर सह्याद्री : सध्या कुठे काय होईल हे सांगता येणे कठीण आहे. तसेच धमकीचे इमेल पाठवणे देखील अनेक ठिकाणी सुरु आहेत.
नुकतेच अंबानी यांनाही धमकीचे मेल आले होते. आता मुंबईतील भारतीय रिझर्व्ह बँकेला ई-मेलद्वारे धमकीचा मेसेज आला असून यात आरबीआयच्या कार्यालयात बॉम्ब ठेवल्याची धमकी देण्यात आलीये. आरबीआय, एचडीएफसी आणि आयसीआयसीआय बँकेत बॉम्ब ठेवल्याचीही धमकी मेलद्वारे दिली गेलीये.
खिलाफत इंडिया नावाच्या ई-मेल आयडीवरुन ही धमकी देण्यात आली असून आरबीआयच्या ई-मेल आयडीवर आज सकाळी साडेदहा वाजता हा ई-मेल आला असल्याची माहिती मिळाली आहे. ई-मेलमध्ये आज दुपारी दीड वाजता मुंबईतील 11 ठिकाणी बॉम्बस्फोट होतील. आम्ही मुंबईतील 11 ठिकाणी हे बॉम्ब ठेवले आहेत,
अशी धमकी ई-मेलद्वारे देण्यात आली होती. तसेच गव्हर्नर आणि निर्मला सीतारमण यांनी तात्काळ राजीनामा द्यावा, अशी मागणी ई-मेलमध्ये करण्यात आली आहे. गव्हर्नर आणि निर्मला सीतारमण यांनी राजीनामा न दिल्यास मुंबईतील 11 ठिकाणी बॉम्बस्फोट करण्यात येतील, अशी धमकी देण्यात आली होती अशी माहिती मिळाली आहे.
