Crime News: भाच्याच्या प्रेमात वेडीपिसी झालेल्या मामीनं आपल्याच पतीची हत्या केल्याची धक्कादायक घटना घडली आहे. महिलेने भाचा आणि त्याच्या मित्राच्या मदतीने पतीचा काटा काढला आहे. आधी गळा आवळून पतीची हत्या केली. नंतर पोलिसांच्या डोळ्यात धूळफेक करण्याचा प्रयत्न केला. मात्र, पोलिसांच्या तपासात महिलेनं आपल्या पतीची हत्या भाच्याच्या मदतीने केली असल्याचं समोर आलं. या प्रकरणी पोलिसांनी तिघांनाही अटक केली आहे.
अधिक माहिती अशी: गौरव नावाच्या तरूणाची हत्या पत्नी प्रीती आणि भाचा निमेश आणि त्याच्या मित्राने मिळून केली आहे. पत्नी प्रीती आणि भाचा निमेश या दोघांमध्ये अनैतिक संबंध होते. प्रीती आपल्या भाच्याच्या प्रेमात अगदी वेडीपिसी झाली होती. मात्र, नवऱ्याची अडचण होत असल्यामुळे पत्नीनं नवऱ्याचा काटा काढण्याचे ठरवले.
तिने नवऱ्याच्या हत्येचा प्लान आखला. भाचा आणि मित्राच्या मदतीने पत्नीनं आपल्या पतीची गळा आवळून हत्या केल्याची घटना यूपीच्या बुलंदशहरमध्ये घडली आहे. हत्या केल्यानंतर पत्नीनं मृतदेह रोडवर ठेवलं आणि अपघाताचा बनाव रचला. ३० जानेवारीला पत्नीनं पोलीस ठाण्यात धाव घेतली, आणि पतीचा अपघाती मृत्यू झाल्याची माहिती पोलिसांना दिली. पोलिसांनी तपास सुरू केला.
पोस्टमार्टम रिपोर्टमध्ये पती गौरवचा मृत्यू अपघाती नसून गळा आवळून हत्या केली असल्याचं समोर आलं. या घटनेनंतर पोलिसांनी आरोपी पत्नी, भाचा आणि त्यांच्या मित्राला अटक करण्यात आली आहे. या धक्कादायक घटनेनंतर परिसरात एकच खळबळ उडाली आहे. या घटनेत आणखी कुणाचा सहभाग आहे का? याचा तपास पोलीस करीत आहेत.
