अहमदनगर। नगर सहयाद्री:-
दिरानेदारूच्या नशेत टनक वस्तूने मारहाण करून भावजयीचा खून केल्याची खळबळ जनक घटना राहाता शहरात १५ चारी हद्दीत घडली. यात सविता लहानू पवार (वय ४०) या महिलेचा जागीच मृत्यू झाला. याप्रकरणी राहाता पोलिसात खुनाचा गुन्हा दाखल झाला असून आरोपी बबन गोविंद पवार याला पोलिसांनी जेरबंद केले आहे
राहाता शहरात १५ चारी हद्दीत प्रकाश जगताप यांचे पेरूच्या शेतात आदिवासी समाजाचे हे कुटुंब बाभळीची झाडे तोडून भट्टी लावून कोळसा बनविण्याचे काम करीत होते. पाथर्डी येथील ठेकेदार नारायण सोमा राठोड याने ल हे कामगार पुरवठादार आहेत. दरम्यान शुक्रवार आठवडे बाजार असल्याचे कारण देत बबन पवार व इतरांनी पगाराचे पैसे घेतले होते. शुक्रवारी रात्री दारूच्या नशेत बबन गोविंद पवार याचे व मयत सविता लहानू पवार या दोघांमध्ये भांडण झाले.
भांडणामध्ये काहीतरी टनक वस्तूने डोक्यात कानशिलाजवळ मारहाण केल्याने मारहाणीत सविता हिचा मृत्यू झाला. दुसऱ्या दिवशी सकाळी शेजारी तिला उठवण्यासाठी आले असता सविता मृत असल्याचे त्यांना निदर्शनास आले. आरोपी फरार झालेला होता. पोलिसांना घटनेची माहिती मिळाल्यानंतर चक्रे फिरवत आरोपीला काही तासाच्या अटक केली.
सविताचा खून नेमका कोणत्या कारणाने केला. त्यामागचे इतर कारणे काय याचा उलगडा पोलीस तपासात समोर येईल. शेतमालक प्रकाश जगताप यांनी दिलेल्या फिर्यादीवरून पोलिसांनी आरोपी बबन गोविंद पवार यांच्या विरोधात खुनाचा गुन्हा दाखल केला असून त्याला अटक केली आहे. पुढील तपास पोलीस निरीक्षक अरविंद जोंधळे करीत आहे.
