अहमदनगर। नगर सहयाद्री-
अहमदनगर लोकसभा मतदारसंघात राष्ट्रवादीचे आ. संग्राम जगताप यांची पक्षाकडून समन्वयक म्हणून नियुक्ती करण्यात आली आहे. राष्ट्रवादीचे प्रदेशाध्यक्ष सुनील तटकरे यांनी बुधवारी ही नियुक्ती केली आहे.
१८ एप्रिलपासून अहमदनगर आणि शिर्डी लोकसभा निवडणुकीची प्रक्रिया सुरू होणार आहे. या निवडणुकीसाठी अहमदनगर लोकसभा मतदारसंघातून भाजप महायुतीचे उमेदवार म्हणून डॉ. सुजय विखे पाटील यांच्या नावाची घोषणा झाली आहे.
महायुतीमधील घटक पक्ष कामाला लागले असून त्यानूसार राष्ट्रवादीचे प्रदेशाध्यक्ष तटकरे यांनी निवडणुकीतील समन्वयक म्हणून नगर शहराचे पक्षाचे आ. संग्राम जगताप यांची नियुक्ती केली आहे. आ. जगताप यांनी महायुतीमधील आजी-माजी नेतेमंडळी यांच्याशी समन्वय ठेवून प्रचार यंत्रणा राबवून, महायुतीचे उमेदवार विजयी होण्यासाठी प्रभावी यंत्रणा राबवण्याच्या सूचना प्रदेशाध्यक्ष तटकरे यांनी दिल्या आहे.
