अहमदनगर। नगर सहयाद्री
प्रियकराचा खून करून गोणीत घालून पाण्यात फेकले, व प्रेयसीवर अत्याचार केल्याची घटना कोपरगाव तालुयात कोळपेवाडी येथे घडली. नागेश ऊर्फ नाग्या शिवराम चव्हाण असे आरोपीचे नाव असून तीन आरोपींविरोधात कोपरगाव तालुका पोलीस ठाण्यात गुन्हा दाखल करण्यात आलाय. अर्जुन पिंपळे, चांदणी पिंपळे, व आणखी एक (नाव माहित नाही) अशी आरोपींची नावे आहेत. पीडितेने याबाबत फिर्याद दिली आहे.
अधिक माहिती अशी : फिर्यादी मुलीचे व मृत नागेश या दोघांचे प्रेमसंबंध होते. मृत नागेश याने पीडितेस त्याच्या मोटार सायकलवरून कोळपेवाडी येथील त्याचा मित्र आरोपी अर्जुन ऊर्फ भुर्ज्या गोपाल पिंपळे व आरोपी चांदणी पिंपळे यांचे घरी आणले होते व रात्री ते झोपले असता मृत नागेश चव्हाण व आरोपी अर्जुन पिंपळे हे एका खोलीत तसेच फिर्यादी मुलगी व आरोपी चांदणी पिंपळे हे दुसर्‍या एका खोलीत झोपलेले होते. मृत नागेश चव्हाण हा पहाटे उठला व फिर्यादी जवळ जात बळजबरी करू लागला.
तिचा आवाज ऐकून चांदणी पिंपळे फिर्यादी जवळ आली. यावेळी नागेश व अर्जुन यांत वाद सुरु झाले. त्यावेळी चांदणी पिंपळे हिने आरोपी भुर्ज्याचा मित्र भाऊ (पूर्ण नाव माहित नाही) याला बोलावून घेतल्याने तो तिथे आला. त्या दोघांनी नागेशचा गळा दोरीने आवळून खून केला. अर्जुन पिंपळे याने पीडितेस चाकूचा धाक दाखवून तिच्यावर अत्याचार केला. तीनही आरोपीनी संगनमताने नागेश चव्हाण याचा मृतदेह गोणीत भरला व त्याला पाण्यात टाकून दिले. अर्जुन पिंपळे याला पोलिसांनी अटक केली असून पोलीस आणखी दोघांचा शोध घेत आहेत.
